A chuvia resta peregrinos ao Camiño Portugués
Por Redacción
O Camiño Portugués captará este año, segundo as previsións, preto de 30.000 peregrinos. As choivas dos primeiros meses deste ano deixáronse sentir nas cifras de visitantes. Non obstante, a afluencia incrementarase especialmente durante a Semana Santa e, a partir de aí comeza a temporada de verán.
O albergue de Pontevedra xa conta coas primeiras reservas de distintos grupos, entre eles italianos, portugueses, polacos e peregrinos que chegarán de case todas as comunidades autónomas. Este ano coincide co 800 aniversario da peregrinación de San Francisco de Asís a Santiago, circunstancia que xa se está deixando notar nas reservas por parte de determinadas congregacións relixiosas.
A concelleira de Promoción Económica, Carlota Román, e o presidente da Fundación Camiño de Santiago, Celestino Lores, abordaron este xoves os pormenores do convenio que ambas entidades asinarán para financiar as actividades de promoción do Camiño correspondentes a este ano 2014.
A achega municipal será dun importe de 8.000 euros e axudará a sufragar o custo das actividades de peregrinación a pé polo Camiño Inglés a Santiago e a programación do Encontro de Hospitaleiros, que este ano incluirá tamén un Concerto do Camiño, que se celebrará durante o mes de setembro.