O río Lérez "bota por fóra"
Por Oskar Viéitez
Coincidindo coa preamar ás 18:46 horas deste mércores o río Lérez superou os seus niveis habituais desbordando á altura da ponte de As Correntes.
Apenas foron uns centímetros, suficientes para que unha vistosa lámina de auga enchese en cuestión de minutos o paseo peonil que comunica a avenida de Domingo Fontán coa parcela onde se situará o futuro Skate Park e onde se atopa o paso subterráneo á Xunqueira de Alba.
Non é a primeira vez na que este paso queda inutilizado ao ser asolagado pola auga, se ben na anterior ocasión coincidiu cun forte temporal.