O balcón do Concello seguirá expresando a súa opinión
Por Oskar Viéitez
Dende o ascenso do Pontevedra, pasando polo "Nunca máis", "Non ao terrorismo", apoios aos afectados polas preferentes, ata a última pancarta en favor do dereito ao aborto, o balcón da fachada da Casa Consistorial foi voceiro de distintas emocións, lemas e opinións, e segundo acordou o Pleno da Corporación de Pontevedra, "seguira a ser do mesmo modo".
O Partido Popular levou o asunto ao Pleno a raíz da última polémica suscitada pola pancarta do aborto que xerou unha campaña en Internet dun grupo católico. Os populares demandaron unha regulación sobre o uso do balcón municipal para lanzar proclamas políticas.
A moción dos populares foi rexeitada polos dous grupos no goberno local.