Ponte Caldelas aproba unha moción do PSOE, co voto a favor do alcalde, contraria á nova lei do aborto
Por Redacción
O Pleno da Corporación Municipal do Concello de Ponte Caldelas aprobou, cos votos a favor dos dous concelleiros do PSOE, un do BNG e 7 do PPdeG, incluído o alcalde Perfecto Rodríguez, (dous deste grupo abstivéronse) unha moción presentada polos socialistas relativa ao anteproxecto da nova Lei do Aborto impulsada polo ministro de Xustiza, Alberto Ruíz Gallardón.
O Pleno iniciou os debates unha vez que o alcalde e os concelleiros gardaron un minuto de silencio en memoria do presidente Adolfo Suárez, recentemente falecido.
Tras a lectura pública da moción do PSdeG-PSOE, o alcalde Perfecto Rodríguez anunciou que o grupo municipal do PPdeG decidira dar liberdade de voto aos seus membros en función de que, segundo Rodríguez, "se trata de un asunto que tiene que ver con la moral y ética individual de cada persona, e incluso en algunos casos con sus creencias religiosas. Por eso en nuestro grupo hemos decidido que cada miembro tenga total libertad de voto de acuerdo a su conciencia y ética personal".
O Pleno deu o visto e prace ás modificacións necesarias para adaptar as súas ordenanzas e regulamentos á nova "Lei do emprendemento e a competitividade" da Xunta.