As Illas Atlánticas recibirán 330 voluntarios para traballar na súa conservación
Por Redacción
O programa ambiental do Parque Nacional das Illas Atlánticas contará durante este ano co traballo de 330 voluntarios en actividades que se prolongarán ata despois do verán.
A iniciativa, posta en marcha dende Xuventude, Voluntariado e Conservación da Natureza de la Xunta de Galicia, busca mellorar na recuperación de ecosistemas nos arquipélagos de Cíes, Ons, Sálvora e Cortegada.
Para iso, todas as persoas que se anoten (deben ser maiores de 16 anos), colaborarán na retirada de residuos, na erradicación de especies invasoras, adecuación de camiños ou na reforestación das illas con especies autóctonas, todo baixo a corrdinación dos técnicos do parque nacional.
Os voluntarios terán cuberta a manutención, o aloxamento e o material necesario para realizar os traballos, ademais de contar cun seguro de accidentes e de responsabilidade civil.
O programa conta con cinco accións diferentes, empezando xa coa primeira durante as fins de semana do mes de marzo na illa de Cortegada, para continuar nos meses de abril, maio e xuño en Ons con grupos de seis persoas en quendas de cinco días.
En xullo, agosto e setembro as illas de Sálvora e Cortegada recibirán grupos de oito voluntarios en xornadas diarias, sen pasar a noite, mentres en Cíes as actuacións están previstas para os meses de xullo e agosto.
Todos os participantes obterán un certificado acreditativo da Dirección Xeral de Xuventude e Voluntariado, onde se pode solicitar máis información sobre o programa.