CCOO pide negociar a aplicación da reforma da Administración Local
Por Redacción
Delegados sindicais de CCOO concentráronse este mércores ante a Deputación de Pontevedra para reclamar a apertura dunha negociación ante a aplicación da reforma da Administración Local, á que convocou a Xunta de Galicia e Federación Galega de Municipios e Provincias.
Ademais o sindicato solicitou ao presidente provincial, Rafael Louzán, unha reunión para avanzar neste asunto e intentar "garantir o mantemento de tódolos postos de traballo do personal dos distintos concellos da provincia".
Segundo explica CCOO, esta reforma "lonxe de ordenar e rentabilizar os recursos públicos para garantor a prestación de servizos, só provoca a perda de dereitos da cidadanía" ao forzar que os concellos vexan limitadas as súas competecias.
A central sindical asegura que seguirá a presionar "para que a Xunta e as deputacións orienten as súas competencias e desenvolvemento territorial a prestación de servizos a través dos concellos, como administración máis próxima á cidadanía".