Detido un caco cun amplo historial delituoso por varios roubos en coches
Por Redacción
Axentes do Corpo Nacional de Policía adscritos á Comisaría de Vilagarcía, o pasado día 12 de marzo, procederon á detención dun home, de 34 anos de idade, veciño de Vilagarcía de Arousa, como presunto autor de varios delitos de roubo con forza nas cousas.
Durante estes últimos días, na oficina de denuncias desta Comisaría, tramitáronse varias denuncias relacionadas con diversos delitos de danos en vehículos, así como roubo de efectos de valor que se achaban no interior destes, apreciándose en todos estes feitos delituosos unhas similares características ou "modus operandi", consistente en que o autor para acceder ao interior dos coches, cun obxecto contundente, fracturaba o cristal dunha das súas xanelas, apropiándose dos efectos de valor que nestes achaba.
Dáse a circunstancia que este mesmo individuo xa foi posto a disposición xudicial hai uns días pola súa presunta participación noutros feitos delituosos similares acontecidos en datas anteriores.
Este individuo conta con 17 detencións, 13 delas por delitos contra o patrimonio.