O parque forestal da Fracha, exemplo de boa práctica do Estado no emprego de fondos europeos
Por Redacción
O parque forestal da Fracha será exemplo de actuación dentro do acto de peche da Estratexia de Desenvolvemento Urbano Sostible e Integrado (EDUSI) que está a celebrar este luns e mañá martes en Albacete a Rede de Iniciativas Urbanas (RIU) dependente do Goberno do Estado e que se encarga da coordinación en materia de desenvolvemento urbano e fondos comunitarios.
Esta xornada será o remate da 'Estratexia DUSI Máis modelo, Pontevedra' que se vén desenvolvendo nos últimos oito anos.
A concelleira responsable do Monte, María Xosé Abilleira exporá o proxecto de creación e mantemento do parque forestal da Fracha, que foi escollido pola RIU como boa práctica de execución e comunicación de entre todos os proxectos estatais que se presentaron aos fondos FEDER.
O proxecto comezou a súa andaina coa presentación da proposta a todas as comunidades de montes implicadas en 2017: Tomeza, Marcón e Canicouva, e foi desenvolvendo a tramitación administrativa até que rematou a súa execución na primavera de 2021.
Creouse un espazo natural de 406 hectáreas, retiráronse eucalipto e acacias, plantáronse 15.000 exemplares autóctonas, recuperáronse os bordes dos regueiros con especies de ribeira, a consolidación do terreo con restos de poda para que non se produzan escorrentías, a apertura e acondicionamento de 26,6 km de sendas peonís e ciclistas, e a posta en valor de catro miradoiros: dous na zona de Outeiro Navío en Marcón, o da Regha Pireira en Tomeza e o do Couto das Forcadas na Canicouva.
O custe de creación do parque da Fracha foi de 453.021,69 euros.
O parque da Fracha estará sobre a mesa con actuacións dos concellos de Albacete e Sant Boi de Llobregat.
Esta sesión tamén servirá para como acto de lanzamento da nova estratexia dos fondos FEDER (2021-2027) denominados EDIL (Estratexias de Desenvolvemento Local Integrado).
Relacionadas:
-
Rematan as actividades de primavera de "O monte é teu" pero aínda quedan as "Ponteandadas"
Por Oskar Viéitez |
-
Unha primavera chea de actividades para coñecer e gozar do Pontillón do Castro, A Fracha e A Tomba
Por Oskar Viéitez |
-
O parque forestal da Fracha estrea un novo miradoiro na área de Rega Pereira
Por Redacción |