![](/web/cache/scene/uploads/fotos/foto/2e5/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66df05a70a-povisitaforestais3.jpg)
© Universidade de Vigo
Enxeñeiros de montes de diferentes puntos de España coñecen os traballos que se desenvolven en Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/33f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66df05487c-povisitaforestais1.jpg)
© Universidade de Vigo
Vinte e sete integrantes da 127 promoción de enxeñeiros de montes da Politécnica de Madrid percorreron este luns as instalacións da Escola de Enxeñaría Forestal, no marco da estadía que desenvolven nestes días en Galicia.
Este profesionais tituláronse en 1984, cando a de Madrid era a única universidade española na que se impartían estes estudos.
No marco da estadía que cada ano realizan en diferentes puntos de España, o grupo do que forman parte directivos de diferentes empresas ou responsables de institucións visitou este luns o centro do campus pontevedrés, onde foron recibidos pola súa directora, Ángeles Cancela.
A continuación, realizaron un percorrido dirixido a coñecer o labor docente e investigador que se leva a cabo no centro, que levounos a visitar a xiloteca, o laboratorio e planta piloto de xiloenerxía e os talleres de madeira, así como a asistir a unha demostración de traballo con drons.
Este grupo de profesionais visitou tamén nesta xornada o Centro de Investigación Forestal e o Centro de Formación e Experimentación Agroforestal de Lourizán.
Relacionadas:
-
A Universidade de Vigo programa tres concertos no Teatro Principal, gratuítos e abertos a toda a cidadanía
Por Oskar Viéitez |
-
Inspeccionan máis de 16.000 parcelas para previr incendios forestais en Sanxenxo
Por Redacción |
-
Como optimizar o cultivo do kiwi con intelixencia artificial
Por Oskar Viéitez |
-
Destripando os incendios forestais: así funciona a UIFO, ata a orixe do lume para atrapar os responsables
Por Natalia Puga & Cristina Saiz |
-
Un petardo en Alba, bengalas na Illa de Arousa, as pegadas que os incendiarios deixaron en agosto
Por Natalia Puga |