Un GPS volve liala e un turismo remata encaixado nas escaleiras da Rúa Madrid en Sanxenxo
Por Anxo Lourido
Unha vez máis un sistema GPS causa un incidente de tráfico.
Neste caso, o suceso tivo lugar este venres en Sanxenxo, cando un vehículo rematou encaixado nunhas escaleiras que conectan a Rúa Madrid coa Rúa Sol.
O suceso, que afortunadamente non causou feridos, ocorreu arredor das 21:00 horas.
Segundo informa o Concello de Sanxenxo, o condutor do turismo seguiu aparentemente as indicacións do seu sistema de navegación GPS, o que o levou a precipitarse polas escaleiras.
A Policía Local acudiu rapidamente ao lugar dos feitos para xestionar a situación.
Dada a peculiar posición na que quedou o vehículo, foi necesaria a intervención dun guindastre para retiralo.
Os labores de extracción prolongáronse logrando finalmente retirar o turismo arredor das 22:20 horas.
Relacionadas:
-
Aparatosa saída de vía en Sanxenxo e incendio dun turismo en Poio
Por Redacción |
-
Protección Civil de Poio rescata dous cidadáns británicos perdidos en Monte Castrove por culpa dun GPS
Por Anxo Lourido |
-
Outro coche máis queda atrapado nas escaleiras da Ferrería
Por Oskar Viéitez |
-
Unha furgoneta queda atrapada nas escaleiras da praza do Teucro
Por Redacción |