Unha delegación da cidade surcoreana de Suncheon estuda o 'Modelo Pontevedra'
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O alcalde de Pontevedra, Miguel Anxo Fernández Lores, recibiu este martes a unha delegación da cidade surcoreana de Suncheon que se achegou ata a Boa Vila para poder aproximarse, estudar e comprender o modelo urbano de Pontevedra, así como a transformación realizada ao longo das últimas dúas décadas.
Suncheon é coñecida como a capital ecolóxica de Corea, contando con espazos únicos grazas aos seus famosos humidais como o primeiro xardín nacional do seu país. É unha cidade de 290.000 habitantes que está a estudar fórmulas para aliviar a conxestión de tráfico e crear unha contorna de transporte ecolóxico.
Segundo transmitíronlle aos responsables municipais pontevedreses, en Suncheon queren avanzar na idea de facer unha cidade centrada nas persoas e non nos automóbiles, promovendo o uso do transporte público, a bicicleta e a mobilidade a pé para combater o cambio climático.
Fernández Lores, acompañado do director xeral de Protección e Seguridade cidadá, Daniel Macenlle, mantivo unha reunión coa delegación surcoreana, formada por sete traballadoras de distintas áreas e departamentos da administración local da cidade de Suncheon.
Durante a súa exposición, o alcalde explicou os diferentes elementos e factores que "permitiron a Pontevedra transformarse nunha cidade referente no mundo respecto a a mobilidade peonil".
Algunhas das preguntas realizadas pola delegación de Suncheon viraron ao redor da dificultade de implementar medidas que limiten o tráfico, a oposición cidadá ou cales son os aspectos máis importantes á hora de tomar decisións nese sentido.
Relacionadas:
-
O PSOE reclamará no pleno a Sogama que non suba o canon do lixo un 93% en 2025
Por Anxo Lourido |
-
Un pontevedrés no epicentro do ecosistema emprendedor: “Deberiamos converter Galicia nun sitio onde se cren empresas”
Por Natalia Puga & Mónica Patxot |
-
The New York Times e cidades de Colombia e Corea do Sur, interesados no modelo Pontevedra
Por Natalia Puga |
-
O centro histórico e a Senda do Lérez son os espazos da cidade preferidos polos pontevedreses
Por Oskar Viéitez |