Vaipolorío pecha un novo verán de limpezas do Gafos retirando 150 quilos de residuos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A asociación ecoloxista Vaipolorío dá por concluída a súa campaña anual de limpeza do río Cocho-Toxal-Tomeza-Gafos. Este domingo realizaron a quinta e última xornada de limpeza deste verán, na que retiraron 150 quilos de residuos.
Esta campaña, a número 24 da historia de Vaipolorío, comezou o domingo 28 de xullo e incluíu cinco domingos seguidos de saídas, ata este 25 de agosto.
Nesta última xornada, participaron voluntarios de Cruz Vermella e un total de 18 persoas dedicaron a mañá para limpar o leito do Gafos nos seus distintos afluentes.
Con esta campaña, Vaipolorío suma 24 campañas tantas como anos ten de vida este colectivo "protexendo, estudando e divulgando o río dos Gafos".