![](/web/cache/scene/uploads/fotos/foto/e04/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/66ca2a2b4a-img_2913.jpeg)
© Cristina Saiz
"Éxito indiscutible" do Río Verbena Fest, con afluencia "masiva" e a ocupación hoteleira ao 100%
![](/web/cache/scene/uploads/fotos/foto/f7a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66ca2a492c-img_2915.jpeg)
© Cristina Saiz
![](/web/cache/scene/uploads/fotos/foto/074/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66ca25fd9b-black-stones.jpg)
© Concello de Pontevedra
![](/web/cache/scene/uploads/fotos/foto/5b4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66ca30c754-img_2914.jpeg)
© Cristina Saiz
A terceira edición do Río Verbena Fest está a ser "un éxito indiscutible". Así o destacou este sábado o alcalde de Pontevedra, Miguel Anxo Fernández Lores, que destacou que se trata dun evento "xa consolidado" que este ano ten unha "afluencia masiva de xente".
O alcalde e o director de Turismo de Galicia, Xosé Merelles, achegáronse no serán deste sábado ata o recinto feiral de Pontevedra, na segunda xornada de concertos; acompañados polos organizadores do evento, Marta González e Álvaro Ibaibarriaga (La Gramola) e Kin Martinez (EsmerArte Industrias Creativas); e a concelleira de Promoción Económica, Anabel Gulías.
Nun encontro cos medios de comunicación, Lores destacou que un dos impactos "máis importantes" do evento é que supón unha ocupación "do 100%" en establecementos hostaleiros e hoteleiros.
Ademais, destacou a "oferta variadísima" de proposta musical da cita, na que hai grupos galegos, clásicos e de proxección internacional, de tal maneira que "calquera que se acerque ao Río Verbena Fest vai atopar sempre algunha actuación do seu gusto ao longo dos seus dous días".
No goberno local están "encantados" co festival, que "dalgunha maneira ven a ampliar todo o verán cultural de Pontevedra" e tamén poñen en valor que os organizadores son de Pontevedra, de tal maneira que "repercute máis o evento na cidade e na comarca".
Merelles quixo coñecer de primeira man todo o despregue organizativo e loxístico que desenvolve o equipo promotor do festival e lembrou que o certame enmárcase dentro da aposta do goberno galego por programar directamente ou apoiar unha ampla e completa axenda de concertos e festivais de diversos estilos musicais, por toda a xeografía galega e ao longo de todo o ano, co obxectivo de contribuír a desestacionalizar a oferta turística.
A comparecencia ante os medios produciuse mentres tocaba no escenario La Gramola o grupo local pontevedrés Black Stones, na recta final deste evento que durante a xornada do sábado acolleu once actuacións nese e no escenario Xacobeo: Law, Nebulossa, Los Zigarros, Amaral, Lori Meyers, Galician Army, Mamasunción, Black Stones, Alcalá Norte, Sarria e Baiuca.
Sábado no Río Verbena Fest
Os dous escenarios de Río Verbena acolleron este sábado once actuacións: Law (17.30 horas), Mamasunción (18.00), Nebulossa (18.35), Black Stones (19.15), Los Zigarros (20.10), Alcalá Norte (21.10), Amaral (22.00), Sarria (23.30), Lori Meyers (00.15), Baiuca (1.25 horas) e Galician Army (2.25 horas).
© Cristina Saiz
Relacionadas:
-
A provincia de Pontevedra recibiu en xullo preto do 40% dos visitantes que chegaron a Galicia
Por Oskar Viéitez |
-
O Río Verbena Fest, en cifras: 19.000 asistentes e un impacto económico de 5 millóns de euros
Por Natalia Puga |
-
Revolución musical para apurar as noites de agosto
Por Natalia Puga & Cristina Saiz |