Interceptan unha condutora no Grove con máis de 14 gramos de cocaína nun control da Garda Civil
Por Redacción
Unha patrulla da Garda Civil do Grove localizaba o martes 20 a unha muller de 37 anos en posesión de máis de 14 gramos de cocaína durante un dispositivo preventivo de seguridade cidadá.
A intervención tivo lugar na estrada PO-316, no marco dun control de seguridade cidadá dentro do Plan Operativo de Resposta Policial ao Tráfico Retallista e Consumo de Drogas en lugares públicos.
A patrulla detivo o vehículo da sospeitosa para realizar un rexistro rutineiro.
Durante a inspección superficial das súas pertenzas, os axentes descubriron no seu bolso 15 envolturas plásticas que contiñan 14,28 gramos de cocaína.
Ademais, a muller portaba 405 euros en billetes de diversas denominacións.
A condutora, con domicilio en Ribadumia e antecedentes policiais, está a ser investigada como presunta autora dun delito contra a saúde pública por tráfico de drogas.
As dilixencias foron remitidas ao Xulgado de Garda de Cambados, onde se determinarán os pasos a seguir neste caso.
Relacionadas:
-
Dous detidos no Grove como parte dunha rede que enganaba a narcotraficantes con falsos fardos de droga
Por Natalia Puga | Creada e actualizada
-
Quince detidos nunha nova operación antidroga con epicentro no Salnés
Por Natalia Puga |
-
Operación contra o tráfico de drogas e o branqueo nunha náutica de Vilaxoán e outros puntos do Salnés
Por Natalia Puga | Creada e actualizada
-
Un grovense detido nunha operación contra o tráfico de persoas e drogas
Por Redacción |
-
Tira unha bolsa con heroína ás dunas da Lanzada tras seren sorprendido pola Garda Civil
Por Redacción |