Provocan un accidente de madrugada na Autovía do Salnés e danse á fuga a pé
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
A Garda Civil investiga as circunstancias dun accidente de circulación ocorrido na madrugada deste xoves en Sanxenxo, tras a fuga do lugar dos ocupantes dun dos vehículos sinistrados.
Segundo informa o Concello de Sanxenxo, o suceso tivo lugar no tramo final da VG-41 (Autovía do Salnés), xa cun só carril por sentido de circulación, á altura da saída cara á localidade. Ocorreu pasadas as 6.00 horas da mañá.
Tratouse dun choque fronto-lateral entre dous turismos ocasionado por un dos coches ao invadir o carril contrario.
Esta madrugada rexistrouse un sinistro por colisión fronto-lateral entre dous turismos na VG-41 (Autovía do Salnés) á altura da saída a Sanxenxo. Un dos vehículos invadiu o carril contrario, os ocupantes deste vehículo déronse á fuga.#SanxenxoSeguridadeCidadá pic.twitter.com/H5fUUW6XLC
— Sanxenxo Seguridade Cidadá (@SLXE_Sanxenxo) August 22, 2024
Por fortuna non houbo que lamentar feridos, pero o rechamante do accidente é que os ocupantes do turismo que ocasionou o choque abandonaron a pé o lugar sen esperar polos efectivos de emerxencia.
Interviñeron efectivos da Policía Local e do servizo de Emerxencias Sanxenxo.