Crean máis prazas de aparcamento gratuítas no núcleo comercial de Arcade
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/a55/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c608e899-img_20240821_110429_1.jpg)
© Concello de Soutomaior
![](/web/cache/scene/uploads/fotos/foto/2d0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c60981c6-img_20240821_110551.jpg)
© Concello de Soutomaior
O Concello de Soutomaior iniciou este mércores as obras de ampliación do aparcadoiro na Avenida Xosé Solla, situado xunto ao Cruce de Pierres.
A intención é aumentar o número de prazas de aparcamento gratuítas no núcleo comercial de Arcade.
Segundo informou o alcalde, Manu Lourenzo, esta intervención permitirá duplicar as prazas dispoñibles na zona.
As novas prazas na Avenida Xosé Solla súmanse ás habilitadas o pasado mes de maio na rúa Forneira, onde se crearon 20 prazas que dan servizo tanto a negocios de restauración como a zonas de lecer.
O concelleiro de Urbanismo, Pablo Garrido, destacou que continúan as negociacións para incrementar aínda máis o número de prazas de aparcamento na área urbana.
O alcalde agradeceu a colaboración dos propietarios das fincas que cederon os seus terreos de forma gratuíta, permitindo así a execución destas melloras.
Lourenzo subliñou tamén que esta ampliación forma parte do compromiso do goberno local de facilitar o acceso ao comercio local e mellorar a calidade de vida dos veciños, mentres se traballa nun modelo urbano máis eficiente e ordenado.