Demetrio Gómez fala de "sold out" para cualificar o éxito das Festas da Peregrina
Demetrio Gómez, concelleiro de Festas de Pontevedra, realizaba unha avaliación sobre as Festas da Peregrina, que este luns chegan á súa conclusión coa xornada infantil con prezos reducidos nas atraccións.
"O máis bonito foi ver Pontevedra ateigada", asegurou o concelleiro destacando unha "convivencia exemplar" durante a programación das Festas de Verán.
Neste sentido volveu a condenar a agresión machista a dúas mozas durante o concerto de Delaossa, pero manifestou que durante o resto dos días a Policía Local non comunicara incidencias destacables.
Apuntou que o movemento económico foi "moi importante" durante estes días e sinalou que todas as actividades "son de balde" coa intención de que toda a cidadanía poida participar.
"Se fosen de pago teriamos colgado o cartel de non hai billetes, o sold out", asegurou Demetrio Gómez insistindo en que Pontevedra durante estas últimas xornadas "botou por fóra".
Felicitou ao departamento de Festas polo traballo desenvolvido e ás empresas adxudicatarias que foron resolvendo imprevistos sen que se rexistrasen incidencias.
O Concello carece de datos concretos sobre o número de persoas que acudiron tanto ás Festas da Peregrina como aos distintos concertos.
Demetrio Gómez indicaba que no de Tanxugueiras o público chegaba ata a Rúa Riestra. "Este modelo permite que o aforo sexa maior que pechando unha praza ou un local", indicou o concelleiro responsable das festas.
Relacionadas:
-
353 solicitudes admitidas para a montaxe de xantares, ceas, hostalería e artesanía na Feira Franca
Por Redacción |
-
Espectáculo de luces e cor para despedir as Festas da Peregrina
Por Redacción & Cristina Saiz |
-
Tanxugueiras abarrota a Praza de España
Por Almu Dapena & Cristina Saiz |
-
Fusión entre tradición e modernidade na Peregrina con Fillas de Cassandra
Por Diego Espiño & Cristina Saiz |
-
Mondra e Óscar Ibáñez poñen a nota musical ao venres da Semana Grande
Por Redacción & Cristina Saiz |
-
Masiva inmersión emocional con Shinova nas festas de Pontevedra
Por Cristina Saiz & Anxo Lourido |
-
Latin Jazz a ritmo da Savoy Club Big Band
Por Cristina Saiz & Anxo Lourido |
-
A Banda de Música de Salcedo enche de atractivo a avenida de Santa María
Por Cristina Saiz & Redacción |
-
O aire sonoro de Caamaño & Ameixeiras emociona na Ferrería
Por Cristina Saiz & Anxo Lourido |
-
Nil Moliner contaxia a súa enerxía e vitalidade ao público pontevedrés
Por Diego Espiño & Cristina Saiz |