Sanxenxo recibiu máis de catro millóns de visitas no que vai de ano
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Sanxenxo recibiu nos sete primeiros meses do ano 4.018.546 visitas segundo os datos revelados pola análise do 'Big Data' e a xeolocalización contratada a través da Mancomunidade do Salnés.
Do total, case 1,5 millóns destas chegadas producíronse no mes de xullo, seguido de xuño, 743.863, fronte ás 239.607 visitas rexistradas en xaneiro; 250.741, en febreiro; 425,031, en marzo; 416.081, en abril e 447.206, en maio.
Estas cifras rexistradas grazas ao rastrexo do móbil revelan "o crecemento constante e a ampliación da tempada baixa a pesar da diferenza coa tempada alta", indican desde o Concello.
Este estudo permite ademais saber que o pasado mes Sanxenxo recibiu 390.579 visitantes que non pernoitaron e 164.724 que si pasaron a noite no municipio.
En canto á orixe destes visitantes, a procedencia nacional segue tendo un peso moi marcado no balance con 1.428.316 turistas españois fronte aos 71.100 estranxeiros.
En canto á poboación, o estudo revela que só en xullo Sanxenxo recibiu 555.303 visitantes, con e sen pernoita, fronte aos 18.000 habitantes que figura no padrón.
Relacionadas:
-
Sanxenxo honra os seus turistas con artesanía, sardiñada e música
Por Redacción |
-
'O Feito a Man' enche de artesanía a Praza de Fonte de Ramos ata o 25 de agosto
Por Redacción |
-
O turismo en Sanxenxo, máis aló de xullo e agosto: pechan o segundo mellor xuño da súa historia
Por Redacción |
-
As 17 bandeiras azuis abren a tempada estival en Sanxenxo
Por Redacción |