Multitudinaria Festa da Auga para combater a calor
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/b67/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0knKLynJz1WyrgUA_/66bf5271e6-f0507de32f4d6faa90ce477156afae4b8c47be4fw.jpg)
© EFE / Xurxo Martínez
![](/web/cache/scene/uploads/fotos/foto/bf6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bf528f2e-8d34ff5dc9c1a23d9a462a568485690deceecff5w.jpg)
© EFE / Xurxo Martínez
![](/web/cache/scene/uploads/fotos/foto/1fc/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66bf53209a-b8dd497a5234de846e6945923c7d9049ea484137w.jpg)
© EFE / Xurxo Martínez
Para combater a calor, Festa da Auga.
Vilagarcía de Arousa viviu este venres 16 de agosto una das súas xornadas máis esperadas e divertidas, na honra de San Roque e ao líquido elemento.
Con máis de 30 graos no termómetro, pasar pola 'zona húmida' e recibir cubos de auga ou chorros de pistolas foi máis agradable que nunca no medio dunha multitudinaria xornada, e é que as rúas da capital arousá estaban abarrotadas de xente,
Despois dunha longa noite para os que decidiron empezar xa o día 15 cos festexos, a Festa da Auga propiamente dita arrancou ás 11.45 horas da mañá co traslado da imaxe de San Roque ata a capela.
Eran os momentos previos á particular guerra de auga que empezou tras o paso do santo e tras o pistoletazo de saída do pregoeiro desta edición, Fernando Romay. Seu foi o primeiro cubo de auga lanzado á multitude.
Despois chegaron varias horas de diversión, bo humor e sobre todo auga, para reivindicar un ano máis a esta festa como unha das preferidas de veciños e visitantes.
OPERATIVO MUNICIPAL CUN NÚMERO "RELATIVAMENTE BAIXO" DE INCIDENCIAS
Segundo confirmou o Concello de Vilagarcía, a xornada festiva transcorreu cunha relativa normalidade xa desde a noite e madrugada do xoves a venres.
De feito, desde o goberno local falan dun número de incidencias "relativamente baixo" a pesar da gran afluencia de visitantes e ao importante movemento de tráfico.
En concreto os partes do Servizo Municipal de Emerxencias e da Policía Local resúmense en 15 atencións sanitarias (7 traslados en ambulancia e 8 atencións en situ) e cero positivos no centenar de controis de alcoholemia practicados polo corpo de seguridade municipal. A maiores rexistrouse unha pelexa na que resultaron feridos dous homes e cuxas dilixencias intruye a Policía Nacional.
Tamén as queixas por ruído foron "significativamente menores" que anos anteriores, asegura o Concello.
O balance do operativo completouse coas intervencións rexistradas entre as 11.00 e as 15.00 horas, con cinco asisrtencias sanitarias leves atendidas no hospital de campaña da Praza da Peixería, por cortes e contusións leves) e dous traslados ao Hospital do Salnés por senllas intoxicacións etílicas.
Relacionadas:
-
"Mouchos, coruxas, sapos e bruxas..." toman este próximo sábado Vilagarcía
Por Redacción |
-
A visita dos Bolechas, a batalla de flores e o Combate Naval poñerán fin ás Festas de San Roque
Por Redacción |
-
Domingo 25 de agosto, nova data para o Combate Naval en Vilagarcía debido á chuvia
Por Anxo Lourido |
-
A dozura eléctrica de Anni B Sweet deixa paso ao novo flamenco de Antonio Carmona nas Festas de San Roque
Por Redacción |
-
72 persoas traballarán no dispositivo de limpeza durante a Festa da Auga
Por Anxo Lourido |
-
Humor e cor no inicio das Festas de San Roque en Vilagarcía
Por Redacción |
-
Comezan os cortes de tráfico nas Festas de Vilagarcía
Por Redacción |
-
Dispositivos especiais de seguridade supervisarán as Festas de San Roque
Por Redacción |