Nova marcha de 'Touradas fóra de Pontevedra' demandando a desaparición da Feira taurina local
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/5df/_S7QytKoutjK3UsovKMnMzytWsi62MjKyUipKLc6sStUxMjDQyU_/_lNK9HJzUxJyUlVsq4FAA==_/66b7c2b936-0016.jpg)
© PontevedraViva
![](/web/cache/scene/uploads/fotos/foto/036/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b7c2bb09-006.jpg)
© PontevedraViva
"Nin arte nin cultura", o lema volveu corearse na tarde deste sábado 10 de agosto nas rúas de Pontevedra na manifestación convocada polo colectivo "Touradas fóra de Pontevedra", que partiu ás 20:00 horas desde a Praza da Peregrina para facer un percorrido polo centro da cidade.
A mobilización contou co apoio de outros colectivos animalistas como Irmandade Antiespecista, Loita Raposa e Activistas Galegas Antiespecistas (AGA), que se manifestaron ao mesmo tempo que se celebraba unha corrida no couso de San Roque.
Un dos puntos destacados desta mobilización foi a recente vitoria acadada polo colectivo, que conseguiu que o Concello de Pontevedra retirara os paneis taurinos que decoraban as rotondas e rúas da cidade durante décadas, un paso máis na loita contra a apoloxía do maltrato e asasinato animal, segundo indican.
Os manifestantes esixiron unha Pontevedra libre de touradas e instaron á Xunta de Galicia a modificar a Lei de Protección Animal, que consideran fraudulenta por permitir as touradas como unha excepción.
O manifesto antitouradas deste ano foi lido por Violeta Mosquera, integrante do grupo Bala e pregoeira das Festas da Peregrina en 2021.
Os organizadores do acto de protesta comprometéronse a continuar a súa vixilancia, queren evitar que se destinen fondos públicos a manter a actividade taurina.
Manifestación de 'Touradas fóra de Pontevedra'
Percorreron o centro da cidade ás 20.00 horas deste sábado 10 mentres na praza de touros de San Roque se celebraba unha corrida da feira taurina
© PontevedraViva
Relacionadas:
-
Dispositivo especial de tráfico con motivo das Festas da Peregrina
Por Mónica Patxot & Anxo Lourido |
-
"O activismo de redes sociais é marabilloso, pero é moi importante manifestarse na rúa"
Por Oskar Viéitez |
-
‘Galicia, Mellor Sen Touradas’ pide investigar a entrada de menores á becerrada do sábado
Por Redacción |