Case 5.000 persoas quedan impresionadas coa Panorama en Vilanova
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
A XXX Festa do Mexillón e do Berberecho de Vilanova de Arousa sorprendía este venres coa impresionante actuación da Orquesta Panorama, que congregou a case 5.000 persoas no parque do Cabo, segundo indica o Concello.
As imaxes dos milleiros de asistentes seguindo á orquestra que triunfa en Galicia fixéronse virais nas redes sociais durante as últimas horas.
Este venres tamén marcou o inicio da Feira de Oportunidades, coa participación dunha vintena de comercios locais que ofreceron grandes descontos en artigos como roupa, calzado e complementos na Avenida do Recheo.
A programación continúa este sábado 10 de agosto, co concerto de Antonio Barros & Lys Pardo ás 22:00 horas na Praza do Castro.
O domingo 11 de agosto, día grande da festa, celebrarase o pregón e a entrega das Insignias de Ouro e Brillantes ás 13:30 horas na Praza do Castro.
O peche desta edición virá da man do músico Roi Casal cun concerto ás 21:00 horas no Xardín Umbrío.
Relacionadas:
-
Vilanova de Arousa convida a gozar da Festa do Mexillón e do Berberecho
Por Oskar Viéitez |
-
Vilanova de Arousa espera bater o récord de participación na Festa do Mexillón e o Berberecho
Por Redacción |
-
A Xunta pon en valor a promoción dos produtos autóctonos na Festa do Mexillón e do Berberecho de Vilanova
Por Redacción |
-
Panorama, De Vacas, Take it Easy e Roi Casal animarán a Festa do Mexillón e do Berberecho en Vilanova de Arousa
Por Redacción |