Investigan a seis vendedores ambulantes por un suposto delito contra a propiedade industrial
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A Garda Civil de Sanxenxo, en estreita colaboración coa Policía Local, investiga a seis persoas no mercadillo de Portonovo, por un suposto delito contra a propiedade industrial pola venda de produtos falsificados.
Segundo informaron fontes oficiais do instituto armado, o operativo realizouse por mor dunha denuncia interposta por unha representante dunha importante firma comercial, na que expoñía a existencia de produtos falsificados da súa firma no mercadillo de Baltar.
O pasado luns os axentes realizaron seis inspecciones a distintos postos de venda ambulante no mercadillo, e procederon á aprehensión de 637 produtos de marroquinería e complementos supostamente falsificados (bolsos, cintos e gorras).
Investígase a seis persoas, propietarios dos puntos de venda ambulante, por delitos contra a propiedade industrial.
As dilixencias foron remitidas ao xulgado de garda de Cambados.
Relacionadas:
-
Dispositivos especiais de seguridade supervisarán as Festas de San Roque
Por Redacción |
-
Investigan dous mozos por un presunto delito contra a saúde pública durante o SonRías Baixas
Por Redacción |
-
Os veciños de Campelo conseguen que uns okupas desaloxen un piso tras falar con eles
Por Oskar Viéitez |
-
Retiran cun guindastre os postes que impedían aparcar nun espazo natural protexido
Por Oskar Viéitez |