O novo alumnado universitario poderá coñecer o campus cunha recepción de benvida o 5 de setembro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O alumnado que comeza este curso na Universidade de Vigo terá, nos días previos ao inicio do ano académico, unha xornada de benvida para achegarse á institución dun xeito lúdico. Para aqueles que se matricularon no campus de Pontevedra, a xornada de benvida será o día 5 de setembro na Escola de Enxeñaría Forestal.
Segundo a información facilitada polo DUVI da Universidade de Vigo, haberá xornadas de benvida nos tres campus. En Ourense será o día anterior, 4, no pavillón universitario e en Vigo será no pavillón do campus ao día seguinte, o 6 de setembro.
Eses mesmos días haberá tamén nos tres campus actos de benvida ao alumnado estranxeiro. Hai deseñados actos paralelos que, no caso de Pontevedra, comezarán ás 10.00 horas na aula 6 da Facultade de Ciencias da Educación e do Deporte.
O curso 2024/2025 arrancará oficialmente o 9 de setembro, pero con esta xornada previa búscase que o alumnado poida toda a información necesaria para que se desenvolva na vida universitaria.
Nesas xornadas previas, facilitarase ao alumnado información sobre a institución, os seus dereitos e deberes, sobre os servizos informáticos, o transporte e aloxamento, o voluntariado e asociacionismo, as bolsas e axudas que poden solicitar e a oferta académica complementaria que ofrece o Centro de Posgrao e Formación Permanente ou o Centro de Linguas.
Tamén coñecerán a Biblioteca Universitaria, os programas de mobilidade, as iniciativas de fomento do emprego e do emprendemento e as actividades de extensión universitaria e de benestar, saúde e deporte.
Ao longo de toda a xornada tamén haberá música e agasallos, como a axenda 2024/2025.
Relacionadas:
-
Enxeñería Forestal é a única titulación presencial do campus de Pontevedra que aínda non completou prazas para o próximo curso
Por Marisa Ciordia |
-
O campus de Pontevedra acada un 104% de taxa de ocupación de novo ingreso nos graos
Por Redacción |
-
A UNED de Pontevedra aproba o orzamento e o Plan Académico docente do curso que vén
Por Oskar Viéitez |
-
O proxecto de metaverso máis avanzado do sistema universitario estatal desenvólvese no campus pontevedrés
Por Redacción |
-
Tarde de graduacións no campus
Por Redacción |
-
Comezan as graduacións no campus de Pontevedra: 600 universitarios terminan os seus estudos
Por Oskar Viéitez |
-
A por unha praza para estudar en Pontevedra o grao en Ciencias da Actividade Física e do Deporte
Por Redacción |