Habilitadas 50 novas prazas de estacionamento no Covelo, en Samieira
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O Concello de Poio vén de habilitar un novo aparcamento disuasorio no Covelo, na parroquia de Samieira, con capacidade para preto de 50 vehículos.
O goberno local chegou a un acordo cos propietarios desta parcela, de algo máis de 1.100 metros cadrados de superficie, para poñer a disposición da veciñanza e dos visitantes medio centenar de prazas de estacionamento libre e gratuíto cun máximo de 24 horas continuadas, para garantir a rotación.
O novo aparcamento ten acceso desde a rúa Peirao do Covelo e atópase nunha ubicación estratéxica, xa que está situado xunto a unha vía de moito tránsito, a PO-308, e nunha área de alta densidade de poboación e de gran interese turístico.
O alcalde, Ángel Moldes, e a concelleira de Urbanismo e Turismo, Rocío Cochón, comprobaron sobre o terreo o resultado das actuacións, e coincidiron en que a dotación de estacionamento é un importante impulso á mobilidade e á actividade desta zona.
Así, o novo estacionamento está pegado á praia Area da Barca e sitúase a menos de 500 metros do Peirao do Covelo e da popular Senda do Laño, un itinerario moi popular entre veciños e visitantes galardoado por primeira vez este ano co distintivo “Sendeiro Azul” da Asociación de Educación Ambiental e do Consumidor (ADEAC).
Relacionadas:
-
Coñeces o maior bosque de sequoias de Europa?
Por Redacción |
-
Renovado o acordo para habilitar prazas de aparcamento no porto de Combarro
Por Oskar Viéitez |
-
Poio habilitará nove aparcamentos disuasorios durante as Festas de San Xoán
Por Redacción |
-
Combarro estrea un novo aparcamento disuasorio gratuíto coincidindo coa celebración do Día de Colón
Por Redacción |
-
Entra en funcionamento un novo aparcamento disuasorio gratuíto en Anafáns
Por Redacción |