Entra en funcionamento un novo aparcamento disuasorio gratuíto en Anafáns
Por Redacción
O novo aparcamento disuasorio gratuíto habilitado polo Concello de Poio en Anafáns, na parroquia de San Salvador, xa está en funcionamento.
Así o anunciou este luns o Concello, que avanzou que nas próximas semanas acondicionará unha segunda parcela nesta contorna. Entre as dúas teñen capacidade para máis de 100 coches.
A parcela que se acaba de abrir para aparcamento público gratuíto, na que os coches poden estacionar un máximo de 24 horas continuadas, ten acceso desde o camiño da Ferreira e desde a rúa Cabanas, o que facilita a mobilidade.
As obras de acondicionamento da parcela executáronse con persoal municipal, e consistiron na limpeza, roza e cobertura da superficie cunha capa de saburra para facela máis transitable. Nos próximos días, rematará a instalación de puntos de luz para. Os dous aparcamentos que se habilitan en Anafáns substitúen ao anterior, tras rematar o contrato de aluguer da finca.
O concelleiro de Obras e Servizos, Marcial García, achegouse ao lugar e explica que estes aparcamentos disuasorios son necesarios debido ás zonas de alta densidade poboacional existentes na zona, na Avenida de Porteliña, os comercios e locais de restauración da zona, e principalmente pola existencia do centro de saúde de Anafáns.
Estas novas áreas de estacionamento permiten "mellorar a mobilidade e o tráfico de toda a contorna", evitando "causar máis afección á xa de por si masificada PO-308".
Marcial García afirma, en declaracións divulgadas a través dun comunicado, que desde o Goberno están a dar "pasos importantes para cumprir un dos puntais do noso programa", a dotación de estacionamento. Lembra, nesta liña, que en dous meses, o Concello de Poio puxo a disposición dos veciños tres parcelas de estacionamento, e que xa está traballando para dar solución tamén ao problema de aparcamento que hai noutros lugares do concello, como por exemplo Combarro, onde xa se está en negociacións para alugar terreos nos que habilitar novos aparcamentos.
Relacionadas:
-
Habilitadas 50 novas prazas de estacionamento no Covelo, en Samieira
Por Oskar Viéitez |
-
Combarro estrea un novo aparcamento disuasorio gratuíto coincidindo coa celebración do Día de Colón
Por Redacción |
-
Habilitarán un novo aparcamento disuasorio para cincuenta coches en Combarro
Por Redacción |
-
Nova área de aparcamento disuasorio na Rúa Adro, en San Salvador
Por Redacción |
-
Preparan tres novos aparcamentos disuasorios en San Salvador para preto de 200 turismos
Por Redacción |
-
A licitación a reforma da contorna de Anafáns cun orzamento superior aos 220.000 euros
Por Redacción |
-
Poio xestiona un aparcadoiro disuasorio nas inmediacións de Anafáns
Por Redacción |