A rotura dunha tubaxe de saneamento en Sanxenxo obriga a crear unha balsa para evitar unha vertedura en Lavapanos
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Creada e actualizada
Creada e actualizada
O Concello de Sanxenxo alertou aos bañistas da praia de Lavapanos ante o risco de vertedura derivada da rotura dunha tubaxe de saneamento.
En suceso produciuse na tarde deste martes na Rúa Madrid, nas proximidades de Lavapanos.
Ante a posibilidade de que afectase o areal aproveitouse a escavación das obras do Mercado como balsa para conter a fuga e concentrar a vertedura.
Ata o lugar desprazouse o alcalde, Telmo Martín, para supervisar as medidas para corrixir este segundo incidente. O primeiro ocorreu en maio con outra vertedura que chegou ata a praia durante a realización dunhas obras.
Nesta ocasión, pouco antes das once da noite, o Concello comunicou que estaba solucionada a avaría. Repuxéronse dous metros de tubaxe e procedeuse a bombear a vertedura que se concentrou nunha balsa dentro da obra do mercado. Non alcanzou ningunha praia.