Marín honra á Raíña dos Mares
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A procesión marítima coa Virxe do Carmen marcou a festividade en numerosas poboacións, especialmente en Marín onde é patroa a Raíña dos Mares.
A vila mariñeira celebrou este martes o seu Día Grande no que houbo ofrenda floral, misa solemne, procesión marítima, tirada de fogos de artificio desde o Paseo Alcalde Blanco e verbena para rematar a festa.
Ás seis e media da tarde tivo lugar a ofrenda floral a cargo dunha comitiva que saíu da Casa do concello coa alcaldesa María Ramallo á fronte, e os concelleiros da Corporación Municipal que tamén se sumaron á procesión polas rúas do centro ata embarcar á imaxe da Virxe e trasladala cara ao medio da Ría onde se homenaxeou aos falecidos no mar.
Tamén na parroquia de Seixo houbo unha ofrenda floral no Porto de Aguete e a continuación a procesión, acompañada da Banda de Música de Arcade, ata a igrexa parroquial Nosa Señora do Carme.
A música do Combo Dominicano co seu espectáculo na Praza de España completou esta xornada festiva.
Marín honra á Raíña dos Mares
A procesión marítima coa Virxe do Carmen marcou a festividade en numerosas poboacións, especialmente en Marín onde é patroa a Raíña dos Mares.
© Concello de Marín
Relacionadas:
-
Marín fai un balance "espectacular" das Festas do Carme
Por Redacción |
-
Un mapa virtual no que percorrer Marín en dixital
Por Redacción |
-
Atropelado un mozo no paso de peóns fronte ao Concello de Marín
Por Oskar Viéitez |
-
A Xunta e o Concello de Marín estudan a mellora da rede de abastecemento e saneamento na parroquia de San Xulián
Por Redacción |
-
Dunha camiseta da Selección Española para a Escola Naval ao desexo de que Leonor "disfrute" de Marín
Por Alejandro Espiño |
-
Café Quijano anima a primeira noite musical das Festas do Carme en Marín
Por Redacción |
-
Arantza Portabales marca o inicio das Festas do Carme, "as de todos os que somos de Marín"
Por Redacción |