Festivo para andar de romaría e degustar mexillóns pola beira do Lérez
Por Anxo Lourido
A cidade de Pontevedra celebraba este xoves 11 de xullo, festivo local, a tradicional Romaría de San Benito de Lérez, San Benitiño, unha festa relixiosa e tamén popular declarada de Interese Turístico de Galicia desde o ano 1998.
A festa desenvolvíase nas beiras do Lérez desde as 10:30 horas con pasarrúas a cargo do grupo de música tradicional Os Alegres.
A continuación comezaba o reparto de empanada e mexillóns para a degustación gratuíta de todas aquelas persoas que se achegaran ao entorno da praia fluvial do Lérez.
Unha vez máis polo entorno daban cita numerosas persoas facendo cola para, a pesar do tempo inestable, recoller o seu prato e desfrutar da festa.
Entre os asistentes atopábanse o alcalde Miguel Anxo Fernández Lores, o concelleiro de Cultura, Demetrio Gómez, e o portavoz do PSOE, Iván Puentes.
Os gaiteiros de Duos Pontes ofrecían unha actuación ás persoas que comían baixo a carpa e despois continuaron os Gaiteiros das Rías Baixas e Os Alegres amenizando a celebración.
A tarde desenvolvíase co grupo Pola Vila e a xornada concluíu cunha gran verbena no atrio do Mosteiro de San Bieito a cargo do grupo M-3 Show.
Relacionadas:
-
San Benitiño de Lérez atrae os seus devotos nun día inestable de verán
Por Anxo Lourido |
-
Música e mexilloada popular para celebrar San Bieito á beira do Lérez
Por Redacción |
-
Pontevedra, ante un "verán que non para" con preto de catrocentas actividades festivas nas súas Festas de Verán
Por Alejandro Espiño & Mónica Patxot |