Festivo para andar de romaría e degustar mexillóns pola beira do Lérez
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/dc3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/668ffa9d4a-008.jpg)
© PontevedraViva
![](/web/cache/scene/uploads/fotos/foto/b71/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/668ffb2308-whatsapp-image-2024-07-11-at-13.44.10.jpeg)
© Concello de Pontevedra
A cidade de Pontevedra celebraba este xoves 11 de xullo, festivo local, a tradicional Romaría de San Benito de Lérez, San Benitiño, unha festa relixiosa e tamén popular declarada de Interese Turístico de Galicia desde o ano 1998.
A festa desenvolvíase nas beiras do Lérez desde as 10:30 horas con pasarrúas a cargo do grupo de música tradicional Os Alegres.
A continuación comezaba o reparto de empanada e mexillóns para a degustación gratuíta de todas aquelas persoas que se achegaran ao entorno da praia fluvial do Lérez.
Unha vez máis polo entorno daban cita numerosas persoas facendo cola para, a pesar do tempo inestable, recoller o seu prato e desfrutar da festa.
Entre os asistentes atopábanse o alcalde Miguel Anxo Fernández Lores, o concelleiro de Cultura, Demetrio Gómez, e o portavoz do PSOE, Iván Puentes.
Os gaiteiros de Duos Pontes ofrecían unha actuación ás persoas que comían baixo a carpa e despois continuaron os Gaiteiros das Rías Baixas e Os Alegres amenizando a celebración.
A tarde desenvolvíase co grupo Pola Vila e a xornada concluíu cunha gran verbena no atrio do Mosteiro de San Bieito a cargo do grupo M-3 Show.
Mexilloada de San Bieito 2024
Festividade celebrada na contorna da praia fluvial do Lérez
© PontevedraViva