Dor en Marín polo falecemento de Álvaro Martínez Riva, presidente do Grupo Pesmar
Por Redacción
Nas últimas horas falecía Álvaro José Martínez Riva, presidente do Grupo Pesmar S.A., unha empresa referente no Porto de Marín.
A súa morte producíase debido a unha grave enfermidade, segundo recolle Carriola de Marín.
José Benito Suárez Costa, presidente da Autoridade Portuaria de Marín, manifestaba a súa pesar polo falecemento do empresario e trasladaba as condolencias de toda a comunidade portuaria á súa familia e aos traballadores de Pesqueiras Marinenses.
Ademais, destacaba "a enorme calidade humana dun empresario fundamental na historia pesqueira deste porto" e o seu gran traballo á fronte de Pesqueiras Marinenses. A empresa que lideraba traballa con máis de 50.000 toneladas anuais na sección de frigoríficos.
O funeral terá lugar este xoves 4 de xullo, ás 19.00 horas, na igrexa da nosa Señora do Carmen de Seixo, en Marín.