Os candidatos ás Cebolas de Ouro poderán ser propostos pola cidadanía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Por primeira vez, o Concello de Sanxenxo abrirá á participación cidadá a proposición de candidatos ás Cebolas de Ouro, que entrega anualmente no marco da Feira da Cebola.
Ata o 4 de agosto, calquera colectivo ou veciño particular do municipio poderá presentar a persoas ou entidades locais como candidatas á edición 2024 destes galardóns.
O próximo 4 de setembro e con motivo das festas patronais de Santa Rosalía, entregaranse os premios na XLII Feira da Cebola. Estes galardóns anuais recoñecen a aquelas persoas e colectivos que, co seu esforzo e dedicación, influíron positivamente no desenvolvemento do municipio.
Como cada edición establécense dúas categorías, unha para unha persoa, colectivo ou entidade do municipio e outra para fóra do municipio, pero vinculada dalgunha maneira a Sanxenxo.
As propostas deberán contar cunha memoria xustificativa que destaque a traxectoria persoal e profesional do candidato.
O xurado estará formado polo alcalde e por varios vogais, entre os que se atopará a concelleira de Cultura e Eventos, Elena Torres, un representante de cada parroquia, un membro do Consorcio de Empresarios Turísticos de Sanxenxo e un representante de Entretendas.
Relacionadas:
-
Lola Villalustre e Xurxo Carreño recibirán as Cebolas de Ouro 2024
Por Redacción |
-
Fin de semana de música, tradición e 500 quilos de sardiñas nas festas patronais de Sanxenxo
Por Redacción |
-
O arrecendo a cebola volve inundar Sanxenxo cunha multitudinaria feira
Por Redacción |
-
Por Santa Rosalía, regresa a Feira da Cebola, este ano con 44 postos
Por Redacción |