As Festas do Carme en Bueu poñerán en valor a tradición mariñeira da vila
Por Redacción
Dar valor á tradición mariñeira de Bueu é o eixo vertebrador do programa elaborado para celebrar as Festas do Carmen que comezarán o mércores 10 de xullo e prolongaranse ata o mércores 17. "É moi importante seguir mantendo a nosa historia mariñeira, por iso agradecémolo a todas as persoas e colectivos colaboradores" apuntaba a concelleiro de Cultura, Carmen García, durante a presentación.
A primeira das actividades será entre os días 10 e o 12 cando o Estaleiro de Purro acollerá uns talleres artísticos mariñeiros a cargo de Tino Resille e que están dirixidos a poboación infantil. O 13 de xullo será a XIII Travesía a nado pola rexeneración da praia de Pescadoira. Está organizada polo Club de Atletismo Corredoiras en colaboración co Concello.
Este mesmo sábado, pola tarde na Sala Amalia Rodríguez Búa inaugurarase a exposición 'Orgullosos do noso' do fotógrafo local Salvador Santos ‘Charri’ e no Centro Social do Mar ofrecerase o XV concerto O Son do Mar coa actuación da Coral San Mauro de Barbadás, a Coral Bela Helenes de Pontevedra e a Coral Polifónica de Bueu. Pola noite, na chaira do Centro Social do Mar haberá actuación de The Skarnivals e Yaya DJ. O domingo 14 o programa festivo inclúe verbena amenizada pola orquestra Furia Nova. O luns 15, o Estaleiro de Purro acollerá ao mediodía a presentación do último número da revista Nova Ardentía e pola noite verbena coa orquestra Lume.
Día do Carme
O día 16, onomástica do Carmen, o programa festivo comezará de mañá con pasacalles a cargo da Banda de Música Cultural de Barro. Ao mediodía, na igrexa parroquial de San Martiño, misa en honra á Virxe do Carmen con intervención do Coro de Cela-Lestonnac. Á súa conclusión arrincará a procesión ata a lonxa, discorrendo sobre as alfombras florais realizadas polo Colectivo Independentes e a Asociación O Pampillo de Castropol..
Xa pola tarde, os oficios relixiosos serán na propia lonxa con música da Coral Polifónica de Bueu e danza en honra á virxe a cargo da agrupación Peis d’hos. Á súa conclusión, sairá a procesión marítima acompañada da Banda de Música de Bueu. Tamén nestes actos vespertinos luciranse tapices florais realizados por alfombristas de Rianxo, Ames, A Estrada e Ponteareas. Pola noite, verbena coa orquestra Platinum e a medianoite tirada de fogos artificiais, que por primeira vez lanzaranse desde o mar e poderanse ver desde a praia da Banda do Río.
O mércores 17, última xornada festiva, haberá pasacalles a cargo da charanga Fanfarria Furruxa. Ao mediodía na igrexa de San Martiño ofrecerase misa solemne en honra á Virxe das Dores coa participación da Coral Marusía. Tamén ao mediodía na zona da Banda do Río empezará a actividade 'Universo de contos: mar'. Concluirá a xornada con verbena a cargo do grupo Galia.
As atraccións feirais estarán instaladas entre os días 12 e 17 na zona de As Lagoas.
Relacionadas:
-
A Procesión do Carme ben vale un barco
Por Anxo Lourido |
-
O Club de Mar Bueu estréase na Liga ACT de traíñas cunha regata na casa
Por Redacción |
-
O proxecto "Tecendo Redes" promove o intelecto e o benestar emocional dos adolescentes de Bueu
Por Redacción |
-
Parabéns para o IES Illa de Ons na súa reestrea da versión feminista de 'Os Miserábeis'
Por Oskar Viéitez |