Mans á obra en Sanxenxo para reparar o muro da praia de Lavapanos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A reparación urxente do muro da praia de Lavapanos, na que o goberno municipal de Sanxenxo inviste uns 40.000 euros, xa está en marcha.
Neste areal desemboca un pequeno leito natural baixo un tramo do paseo que sufriu o colapso, provocando a rotura do muro.
Isto debeuse á acción combinada do empuxe da auga de infiltración sobre a parte alta do muro e a socavación do cimento polas augas superficiais saíntes pola entubación.
Ademais, as choivas deste inverno aceleraron a súa degradación polo que o Concello decidiu adoptar medidas por unha cuestión de seguridade.
Os traballos céntranse nestes momentos na retirada do muro actual e do recheo para a construción dun de formigón armado. Tamén se retirará a escaleira adxacente.
O recheo do muro realizarase con material granular e colocarase un geotextil, así como unha tubaxe transversal que recolla a auga e a evacúe por unha serie de saíntes de maneira que se rebaixe o nivel da auga no caso de acumulacións.
Relacionadas:
-
19 traballadores encarganse de rozar o rural das sete parroquias sanxenxinas
Por Redacción |
-
Unha vertedura de barro tingue as augas da praia de Lavapanos
Por Oskar Viéitez |
-
Novos desprendementos no muro dunha vivenda na praia da Carabuxeira
Por Diego Espiño |
-
Conclúe a achega de area para as praias da Carabuxeira e Lavapanos
Por Redacción |