O varadoiro de Portonovo volverá ser zona de estacionamento durante o verán
Por Redacción
Ata oitenta prazas de aparcamento estarán habilitadas este verán no varadoiro de Portonovo. Será posible despois de que o Concello renovase o convenio con Portos de Galicia para ofrecer esta área de estacionamento libre durante os meses estivais.
Esta zona de estacionamento estará dispoñible ata o próximo 31 de agosto.
Durante a mañá do luns 1 de xullo, este espazo permanecerá pechado para que Portos de Galicia poida realizar unha limpeza integral de toda esta zona.
O goberno municipal celebra que con este acordo respóndese a unha necesidade de espazos para aparcar que demandaba a hostalería local.
Esta medida, que xa se levou a cabo en anos anteriores, conta ademais co beneplácito doutras entidades implicadas, entre elas a confraría de pescadores de Portonovo.