Moven 10.000 metros cúbicos de area para recuperar o perfil orixinal de Silgar
Por Redacción
Ata o vindeiro sábado executaranse na praia de Silgar os traballos deseñados para recuperar o perfil orixinal deste emblemático areal e ampliar a zona de goce. En total, moveranse uns 10.000 metros cúbicos de area.
Esta actuación, que se realiza con dúas dumpers, unha escavadora e un camión, céntranse no leste da praia e na zona seca. Custarán uns 48.000 euros.
Tras visitar a praia, o alcalde de Sanxenxo, Telmo Martín, explicou que a recuperación do perfil da praia permitirá gozar dunha maior superficie do areal e deixará libres as ramplas de acceso, agora cubertas en ata un metro de altura de árido, e os lavapés.
"Son traballos que tiñan que estar acometendo outras administracións, pero nos debémonos aos nosos veciños e visitantes polo que se fai este esforzo económico", sostivo Martín.
Estes traballos non son os únicos que se están executando nas praias de Sanxenxo.
Así, en Area de Agra, en Dorrón, está a acondicionarse a actual rampla para dotala de maior anchura e accesibilidade coa colocación dunha laxa de cemento rugoso.
Ademais, instalaranse unhas escaleiras para salvar a pendente de entrada á praia.
O custo desta actuación rolda os 3.000 euros.
Outros 40.000 euros investiranse nos traballos de reparación do muro na praia de Lavapanos, que presenta un alto risco de caída. Estas obras comezarán nas próximas horas.
Relacionadas:
-
Bascuas estrea a primeira ducha natural de Sanxenxo
Por Redacción |
-
Sanxenxo revalida o seu liderado nacional con dezasete bandeiras azuis ás súas praias
Por Alejandro Espiño |
-
Os aseos das praias de Sanxenxo limparanse cada hora e media durante o verán
Por Redacción |
-
Seis novos arenais sumaranse en Sanxenxo ás "praias sen fume"
Por Redacción |