Cunha bandeira no balcón, a Subdelegación do Goberno súmase ao día do Orgullo
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Coa colocación da bandeira co arco da vella nos dous balcóns laterais da Subdelegación do Goberno, o titular desta institución, Abel Losada, quixo destacar o "apoio firme" do Executivo central que preside Pedro Sánchez "para que todas as persoas, con independencia da súa orientación sexual, poidan levar unha vida plena e en liberdade".
Abel Losada destacou que a liberdade é unha palabra "que hoxe cómpre rescatar do manoseo que algúns e algunhas fan dela".
Dende o pasado día 23 e ata o 29 de xuño Pontevedra está a vivir unha nova semana de reivindicación dos dereitos sociais, dos dereitos LGBTIQA+, cunha ampla programación do Orgullo.
O mércores 26 e xoves 27 a Casa das Campas acollerá os encontros do Orgullo Pontevedra para falar de realidade non-binaria con Né Barros e Max Suárez da Asociación Arelas ou unha nova edición de referentes con Guillermina Domínguez. Outra temática será: familias diversas.
O venres 28, Día do Orgullo LGBTIQA+, Avante LGBT farálle unha homenaxe a María del Carmen del Valle, mestra lesbiana de Cerponzóns que deixou pegada na comarca.
Rematarase cunha gran festa do Orgullo o sábado 29 de xuño, que este ano se muda ao Parque das Palmeiras a partir das 13.00 horas e até a madrugada. Iníciase cunha sesión vermú coa actuación de Ana Talibana. Tamén haberá unha sesión DJ durante a tarde con Duendeneta e para rematar, na noite, habrá un concerto de Londreira e e pechará a festa a DJ, Señora DJ.
As oito da tarde sairá das Palmeiras a manifestación do Orgullo Pontevedra co lema "Avanzar en Dereitos".
Ademais, dende o día 24 está en marcha unha nova edición de Ambienta, Mostra de Cinema LGBTIQA+.
Relacionadas:
-
VÍDEO.- A festa do Orgullo enche de cor o parque das Palmeiras
Por Redacción & Cristina Saiz |
-
Barro estrea o seu primeiro banco arcoíris coincidindo co Día do Orgullo
Por Redacción |
-
Pontevedra homenaxea á 'Señorita Carmiña': "O diferente non é malo, só é diferente, pero á súa vez igual"
Por Almu Dapena & Mónica Patxot |
-
Un San Xoán diverso e con orgullo
Por Redacción & Cristina Saiz |
-
Pontevedra, unha cidade 'orgullosa'
Por Redacción & Mónica Patxot |