O verán xa está aquí, confírmeo ou desmíntao a meteoroloxía. Así que postos en modo estival, Marcial Outeda e Jesús Fontanes, reviven os veráns boomer. Primeira parada: piscina ou praia?. Nun ou outro caso, a segunda parada, antes de pisar auga, tiña que pasar por aquela condición obrigatoria de "non te bañes ata facer a dixestión"; e cantas horas había que facer de dixestión?...
Quedabas untado de crema ata que parecías un boneco de neve, levabas o flotador, os manguitos, o gorrito de baño... ata que parecías o inchable de Michelín?. Nostalxia pura na que non se esquecen nin de figuras por entón míticas nos areais como eran os barquilleros.
E, eras de infancia da sesta obrigatoria?,eras de repaso obrigatorio, isto é, eras de vacacións Santillana?... Cales eran as bandas sonoras dos teus veráns?, porque non houbo nin hai verán sen canción do idem. Non vos sufoquedes, que hai refrescos e xeados para toda aquela persoa que entre nesta edición de 'Boomer o último'.
Por suposto, retranca incesante neste podcast que está xa dispoñible para reprodución e descarga na web de PontevedraViva Radio e que igualmente se pode escoitar desde a ligazón que se adxunta.