O Camiño Portugués medra un 14% e en 2013 valeu a 'Compostela' a 30.000 peregrinos
Por Redacción
O Camiño Portugués a Santiago gaña adeptos e en 2013 pechou unha cifra récord de peregrinos, con 30.000 persoas ás que seguir esta ruta lle valeu a 'Compostela' ao chegar á Catedral. O dato supón un 14% máis que no ano anterior, segundo indicou o eurodeputado pontevedrés e presidente do Intergrupo Camiños de Santiago do Parlamento Eurodeputado, Francisco Millán Mon.
Millán Mon visitou Pontevedra no marco da Xornada Europea Luso-Galaica organizada pola Asociación Amigos do Camiño Portugués que preside Tino Lores, na que percorreu seis kilómestros de ruta no ámbito da capital e, pola tarde, programaron unha visita á localidade portuguesa de Ponte de Lima.
O eurodeputado destacou a "importancia creciente" desta ruta xacobea, que "cada vez se conoce más", e eloxiou que xornadas como a deste venres "contribuyen a la difusión". Ao respecto, o anfitrión, Tino Lores, explicou que esta xornada é a continuación á presentación do Camiño Portugués que el mesmo e o historiador João Alarcão de Carvalho Branco de Lisboa realizaron en Bruxelas e o obxectivo que persegue é "que o Camiño Portugués sexa coñecido en Europa".
Con esa finalidade, invitaron a Pontevedra e Ponte de Lima, no tramo portugués do camiño, a eurodeputados como Millán Mon e os portugueses Nuno Melo e Jose Manuel Fernándes. Con Tino Lores e João Alarcão como guían coñeceron un tramo do Camiño e puideron compartir experiencia con políticos locais como os alcaldes de Pontevedra e Caldas de Reis, Miguel Anxo Fernández Lores e Juan Manuel Rey; o vicepresidente da Xunta, Alfonso Rueda; o delegado territorial da Xunta en Pontevedra, José Manuel Cores Tourís; ou o presidente da Xunta de Mondim de Basto (Portugal), cidade do Camiño vinculada á Peregrinación do barón bohemio León de Rosmithalen en 1466, e que pasou pola cidade do Lérez.
Tras saír do albergue de peregrinos percorreron lugares emblemáticos do camiño jacobeo ao seu paso por Pontevedra como a glorieta de Compostela, onde estivo a antiga capela da Virxe do Camiño; o santuario da Peregrina; a ponte do Burgo, dende onde puideron comprobar os restos do antigo peirao e ponte medieval; ou a Rúa da Santiña, que fai referencia á "rainha santa", Santa Isabel de Portugal. Na igrexa de Alba, onde unha cabaza e un bordón serven de homenaxe ao peregrino, remataron o seu percorrido.
Fernández Lores destacou a importancia para Pontevedra de ter na cidade a eurodeputados galegos e portugueses e a importancia crecente do Camiño Portugués, que cada vez ten máis visitas "xa non só por motivos relixiosos, cada vez máis de lecer", peregrinos que, grazas a esta actividade, coñecen Pontevedra e "se a coñecen logo poden volver". Ademais de que algúns aproveitan para facer turismo e pasar a noite na cidade.