![](/web/cache/scene/uploads/fotos/foto/314/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6676e961ce-poio.jpeg)
© Xunta de Galicia
Compromiso da Xunta para humanizar a Avenida da Barca
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Xunta de Galicia comprometeuse a colaborar na humanización do primeiro tramo da estrada da PO-308, ao seu paso por San Salvador de Poio.
Así llo trasladou nun encontro a Conselleira de Infraestruturas, María Martínez Allegue, ao alcalde de Poio, Ángel Moldes, reunión á que acudiu acompañada do director da Axencia Galega de Infraestruturas, Francisco Menéndez.
Moldes e Martínez Allegue abordaron a necesidade de pechar un convenio para poder executar esta actuación, que estaría cofinanciada entre a Xunta e o Concello.
En concreto prevese investir 1,1 millóns de euros para humanizar e mellorar a seguridade da Avenida da Barca, o tramo da PO-308 que transcorre desde a ponte da Barca ata a Avenida Antelo Mariño (PO-310).
Segundo explicaron tras o encontro o 70% do custo da actuación asumiríaa o goberno autonómico e o 30% restante a administración local.
Tras este compromiso, será agora o Concello de Poio o que deberá licitar e executar as obras de reforma.