As vacacións escolares empezan con festa nas rúas de Pontevedra
Por Redacción & Mónica Patxot
As vacacións de verán están xa aquí para os escolares pontevedreses, que lle deron a benvida ao grande.
Ás celebracións programadas polos diversos centros educativos seguiulle xa pola tarde a tradicional festa de fin de curso organizada polo Centro Comercial Urbano Zona Monumental.
As prazas do centro histórico encheron de actividades e diversión entre as 16.30 e as 20.30 horas, con inchables, xogos, obradoiros e outras propostas lúdicas como un rocódromo de 8 metros.
Toneladas de diversión que concluíron coa sempre divertida festa da escuma na Praza da Pedreira.
Unha celebración merecida tras meses de esforzo nas aulas, ás que os escolares non volverán ata o próximo 11 de setembro.