Habilitan catro zonas de carga e descarga no centro de Sanxenxo
Por Redacción
O Concello de Sanxenxo quere regular a entrada de tráfico pesado e anuncia a creación de catro zonas de carga e descarga no centro da vila.
Como norma xeral establece que as cargas e descargas realizaranse na Rúa Cesteiros e en Luis Vidal Rocha.
O acceso para Rúa Cesteiros será por Rúa Panadeira, Rúa Madrid, Rúa Cesteiros con saída por Rúa Progreso.
Na Rúa Progreso poderase realizar o servizo na marxe dereita, en horario de 07.00 a 21.00 horas. Na marxe esquerda, no seu tramo superior, de 07.00 a 15.00 horas.
No tramo inferior da marxe esquerda de Rúa Cesteiros establécese exclusivamente para carga e descarga durante as 24 horas do día, tanto en xornadas laborables como en festivos.
Prohíbese o estacionamento nesa rúa.
O acceso a Luis Vidal Rocha será pola zona habitual e a saída deberá realizarse por Paseo Silgar en dirección a Portonovo, incorporándose cara a Rúa Ourense. O horario para carga e descarga será de 07.00 a 21.00 horas todos os días.
Os vehículos de 3.500 quilos ou máis teñen a opción de descargar no Porto Deportivo, encima da Praza do Mar ou ao final do espigón, á altura do Real Club Náutico, onde o horario de carga e descarga será de 07.00 a 12.00 horas.
Unha vez finalizado o horario establecido ningún vehículo poderá quedar en ambas as zonas desa zona realizando carga ou descarga.
A Praza dos Barcos quedará totalmente libre de vehículos. Só poderán acceder ao interior aqueles que estean autorizados.
Na plataforma única, que percorre o Paseo Silgar, Avenida do Porto e Rúa de Madrid, só se permíte a parada aos vehículos que non superen os 3.500 quilos. En ningún caso poderá estacionarse nesta plataforma.
Relacionadas:
-
A plataforma única de Silgar estará rematada este venres cun total de 144.000 lastras azuis
Por Oskar Viéitez |
-
Intensifican a presenza policial en Sanxenxo para garantir a seguridade e o tráfico
Por Redacción |
-
Sanxenxo aposta pola plataforma única e preferencia peonil na contorna de Baltar
Por Redacción |