Rouba aceite e anchoas nun supermercado de Pontevedra e véndeos a un comercio de Combarro
Por Oskar Viéitez
A Policía Local de Poio identificou a un veciño de Vigo despois de que vendese nun establecemento comercial de Combarro 6 botellas de aceite e 14 latas de anchoas que días antes roubara nun supermercado de Pontevedra.
Segundo informaron desde a Xefatura da Policía Local, este individuo logrou vender o produto subtraído, mediante enganos e pedindo un valor por baixo do real.
Os axentes tiveron coñecemento dos feitos o pasado mércores tras ser presentada unha denuncia pola propietaria do local de Combarro que relataba que este home entrara no seu negocio para deixar un pedido e logo enganou á dependenta para cobralo. Despois de lograr o seu obxectivo fuxiu do lugar.
O aceite e as anchoas foran subtraídas con anterioridade nun supermercado de Pontevedra e había unha denuncia respecto diso na que se valoraba o roubado en 170 euros.
A Policía Local identificou ao presunto autor, que conta con múltiples antecedentes por feitos similares. As dilixencias foron trasladadas ao xulgado de garda de Pontevedra.
Relacionadas:
-
O goberno local ultima o Plan Especial do Porto deportivo de Combarro
Por Oskar Viéitez |
-
Unha condutora bébeda agride aos axentes da Policía Local e negarse a acudir á Comisaría
Por Oskar Viéitez |
-
Ferido un motorista nunha colisión contra un coche en Poio
Por Oskar Viéitez |
-
O Mosteiro de Poio acolle as exposicións "Arias Xidas" e "Maquetas do Patrimonio Cultural"
Por Redacción |