A Fiscalía solicita unha condena de 12 anos de cárcere para un home acusado de agresión sexual continuada
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
No banco dos acusados da Sección Segunda da Audiencia Provincial de Pontevedra sentará o vindeiro xoves 20 de xuño un home como suposto autor dun presunto delito continuado de agresión sexual cara a outro home maior de idade.
A Fiscalía solicita unha condena de 12 anos de cárcere, seis anos de liberdade vixiada, con posterioridade á pena privativa de liberdade, e quince anos de inhabilitación especial para calquera profesión, oficio ou actividades, sexan ou non retribuídas, que conleve contacto regular e directo con persoas menores de idade.
Ademais, a Fiscalía tamén quere que se lle impoña ao procesado a prohibición de aproximarse a menos de 500 metros da vítima, xa sexa ao seu domicilio ou a calquera outro lugar no que esta se atope. Tamén se interesa a prohibición de comunicación a través de calquera medio, xa sexa directo ou indirecto, durante un período de quince anos.
En concepto de responsabilidade civil, reclama que o acusado abone unha indemnización de 30.000 euros polos danos morais ocasionados.
O Ministerio Público pediu que o xuízo se celebre a porta pechada para protexer os dereitos fundamentais da vítima.
Os feitos denunciados ocorreron entre 2005 e 2017 en varias localizacións distintas, entre elas o domicilio do acusado, situado no partido xudicial de Vilagarcía.
Relacionadas:
-
A xuízo por estafar 30.000 euros a un parente incapacitado
Por Oskar Viéitez |
-
A folga da quenda de oficio chega aos casos de violencia de xénero de Marín cunha baixa masiva de avogados
Por Natalia Puga |
-
O arousán que arrincou un anaco de orella a outro evitará o cárcere se paga a indemnización
Por Oskar Viéitez |
-
Absolven un profesor de Secundaria acusado de abusar sexualmente dunha das súas alumnas
Por Redacción |