20 alumnos do IES Frei Martín Sarmiento participaron nun programa pioneiro de mentores de ESO
Por Redacción
Este venres clausurouse a primeira edición do Programa de Mentores de ESO no que participaron un total de 20 alumnos do IES Frei Martín Sarmiento de Pontevedra.
Esta iniciativa tiña como principal obxectivo empoderar a mozos a través da mentoría proporcionada por outros compañeiros.
Ao longo das semanas nas que se desenvolveu, 10 alumnos de cuarto curso de ESO actuaron como mentores doutros 10 compañeiros de primeiro curso e realizaron diversas actividades entre as que se incluíron voluntariado, formación en técnicas estudo e mellora das habilidades de integración social.
Ademais, tamén participaron nunha iniciativa interxeracional co centro de día Al faro de Pontevedra que consistiu nun intercambio de cartas e nun encontro cos maiores no que coñecerse e compartir experiencias de vida.
Segundo o cuestionario de autopercepción realizado ao comezo e finalización da actividade púidose confirmar que ao comezar o curso o 90% dos participantes presentaba maior comparación cos seus compañeiros e que ao finalizar a porcentaxe reducíase ata o 77´7%, o que denota maior independencia na súa autoconcepto.
Tamén se rexistrou un importante incremento na súa autoestima e unha menor dependencia do logro, pasando do 100% ao 85,7%.
Esta independencia entre autoestima/ logro, é un indicador de maior probabilidade de tolerancia á frustración e unha maior probabilidade de manter a motivación de fronte ao estudo.