A Rúa Madrid estrea novos farois e o entroque de Vidal Rocha e Paseo de Silgar, zona axardinada
Por Oskar Viéitez
Este venres conclúe a obra de plataforma única no centro de Sanxenxo tras trece días de actividade.
Os operarios da adxudicataria, Construcións Castro Figueiro, daban os últimos retoques aos traballos nos que, ademais da colocación de 144.000 lastras, renováronse as luminarias do tramo da Rúa Madrid e habilítase unha zona axardinada no entroncamento entre Vidal Rocha e o Paseo de Silgar.
É, precisamente, este xardineira un dos últimos traballos que se executaron durante esta tarde.
A actuación abarca desde o cruzamento da rúa Ourense ata a intersección con Cesteiros, tramo no que se igualan as alturas da beirarrúa e estrada cunha plataforma feita a base de 144.000 lastras. Isto permitirá unha interacción segura e accesible entre vehículos e viandantes nunha superficie total de 4.783 metros cadrados.
A actuación inclúe unha mellora de saneamento. Entre a área de acceso rodado e as beirarrúas colocouse unha rigola acanalada para favorecer a recollida de augas pluviais.
Outro dos piares do proxecto foi a mellora das instalacións lumínicas.
Así, ademais da renovación dos farois, cambiáronse as luminarias por outras con maior eficiencia enerxética, reducindo así a contaminación lumínica existente. En liña con esta mellora da eficiencia enerxética, desde a rotonda do porto de Sanxenxo ata a rotonda de Silgar reconvertéronse os equipos actuais de vapor de sodio por outros con tecnoloxía LED de todo a iluminación, mantendo a carcasa do farol actual e actuando unicamente sobre o equipo.