Pepa Pardo pide a revisión integral dos farois de Pontevedra a raíz do suceso na rúa Barón
Por Redacción
Pepa Pardo, concelleira do Partido Popular de Pontevedra, anuncia que solicitará durante o pleno municipal deste mes de xuño que se revisen de maneira integral todos os farois da cidade.
A representante popular realiza esta demanda tras o accidente rexistrado durante a fin de semana na rúa Barón, que terminou provocando o ingreso na UCI do Hospital Montecelo dunha moza de 18 anos, ao ser golpeada polo farol.
Pardo pide que se tomen "medidas de inmediato e con carácter preventivo" por parte do Concello de Pontevedra coa intención de que sexa revisado o estado do mobiliario urbano público.
Explica que asi evitaranse "sucesos gravísimos" como o sucedido no centro histórico.
A concelleira popular desexa á moza unha rápida recuperación e envía o apoio á familia.