500 especialistas visitarán Pontevedra en 2026 para participar no principal congreso español de investigación en comunicación
Por Redacción
A Asociación Española de Investigación da Comunicación (AE-IC) anunciou que en xuño de 2026, a Facultade de Comunicación do campus de Pontevedra será sede do X Congreso Internacional que organiza coa participación de ao redor de cincocentos especialistas en investigación no ámbito comunicativo.
Emma Torres, decana da Facultade pontevedresa, indica que se trata do "principal congreso" de investigación nesta área que se desenvolve en España.
765 docentes de diferentes universidades españolas adoptaron esta decisión durante a asemblea na que tamén se acordaba a renovación da xunta directiva da asociación, á que se incorpora o profesor da facultade do campus pontevedrés Xosé Rúas como secretario académico.
Para Emma Torres que a AE-IC, a asociación máis grande no ámbito da comunicación, seleccione a Pontevedra para un evento destas características "reforza o traballo que se está facendo en termos de docencia e investigación no noso centro".
Un equipo da facultade coordinará a organización en colaboración co equipo directivo da AE-IC e nos próximos meses definirán o eixo temático do foro internacional.
Outro dos aspectos que destaca a decana no DUVI é que a facultade pontevedresa figura como unha das que conta con máis integrantes dentro da asociación grazas á participación de 14 persoas responsables de investigación.
Relacionadas:
-
RADIO.- Doutor cum laude por unha tese pioneira internacionalmente sobre o breaking
Por Marisa Ciordia |
-
Comezan as graduacións no campus de Pontevedra: 600 universitarios terminan os seus estudos
Por Oskar Viéitez |
-
O campus de Pontevedra organiza a Semana da Creatividade con propostas abertas ao público
Por Redacción |