Pontevedra, punto de chegada da "derradeira" marcha solidaria contra a leucemia
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Más de setecentas persoas participaron na última edición da marcha solidaria contra a leucemia que impulsa a Asociación Frangil que, tras quince anos ininterrompidos, celebrou a súa "derradeira" camiñada entre Vigo e Pontevedra.
A marcha, que buscaba sensibilizar á sociedade sobre a importancia de incrementar o rexistro de doantes de medula ósea, despediuse cun novo percorrido a pé de 35 quilómetros entre as dúas principais cidades da provincia.
Os participantes, que saíron desde o centro comercial Vialia de Vigo, chegaron andando ata a Praza da Peregrina de Pontevedra, para visibilizar a loita contra esta enfermidade.
"Esta non será a nosa última edición senón a primeira oportunidade que teremos de avanzar un por un ante aquilo que ansiamos", sinalou David Gil, presidente deste colectivo tras completar esta marcha solidaria.
Lembrou que "calquera día é bo para regalar vida en vida" e animou á sociedade a que, tras estes quince anos de traxectoria, "agora tócache a ti recoller os seus froitos dando pasos por e para a curación da leucemia".
Esta marcha solidaria celebrábase en recordo ao seu irmán Fran Gil, que dá nome á asociación e que iniciou este movemento aínda en vida e ata o seu falecemento por non poder atopar un doante de medula compatible para tratar a súa leucemia linfoblástica aguda.
Esta iniciativa simbolizaba a primeira etapa que David Gil realizou en 2009 entre Vigo e Pontevedra e que formaba parte de dez etapas percorrendo Galicia para entregar 700 camisetas destinadas ás persoas que formasen parte do rexistro de doantes de medula ósea en Galicia.
Relacionadas:
-
Máis de 700 persoas participarán o domingo na "derradeira" Marcha Solidaria contra a leucemia
Por Redacción |
-
Gustavo Almeida lanza 'Siempre tú' en apoio á Asociación FRANGIL contra a leucemia
Por Anxo Lourido & Cristina Saiz |
-
Un "amigo invisible" para Estefanía: aparece en América un doante de medula ósea compatible
Por Natalia Puga |
-
Pezas únicas para loitar contra a leucemia
Por Mónica Patxot & María José Pita |