O PSOE propón converter a estrutura do Mercado de Cantodarea nun aparcamento en altura
Por Oskar Viéitez
O grupo municipal do PSOE no Concello de Marín presentou unha moción, que será debatida a próxima semana no pleno municipal, na que propón converter a estrutura do Mercado de Cantodarea nun aparcamento en altura.
Segundo o portavoz do PSOE en Marín, Manuel Pazos, "durante décadas tivemos o esqueleto do que ía ser o mercado de Cantodarea, e cremos que pode ser interesante convertelo nun aparcamento en altura".
Por iso solicitará que se estude a viabilidade dese estacionamento "con baixo e dúas plantas de aparcamento, que é o que xa ten o edificio actual e que permitiría entre 30 e 35 prazas de aparcamento en cada planta".
Segundo apuntan desde o PSOE, "construír un aparcamento en altura é moito máis económico que facelo subterráneo e permitiría obter a metade de prazas que se proxectan no Parque Eguren a un prezo cinco ou seis veces menor".
Relacionadas:
-
O PSOE de Marín reclama a xestión municipal do aparcadoiro do Eguren
Por Redacción |
-
A oposición reclama ao goberno de María Ramallo que solucione a falta de aparcamentos en Marín
Por Oskar Viéitez |
-
O goberno local buscará o apoio da oposición para o aparcadoiro subterráneo no Parque Eguren
Por Oskar Viéitez |