Rueda, en Pontevedra: "Galicia é a resposta do sentidiño e a concordia contra quen só pretende levantar muros"
Por Redacción & Mónica Patxot
Pontevedra foi a parada do PP na recta final da campaña das eleccións europeas. Foi cun mitin que se celebrou na Praza do Teucro, desde onde os populares galegos conxuráronse para ser unha "peza importante" para a vitoria nas urnas.
Así o destacou o presidente galego, Alfonso Rueda, que confía en que os populares logren un resultado "contundente", para o que pediu que o vindeiro domingo todos os galegos vaian votar "e animen os seus a facelo tamén".
Rueda presentou ao PP como un partido que "mantén os seus compromisos, que sempre dá a cara, que antepón os intereses xerais e que defende a igualdade de todos os españois".
A alternativa, engadiu, é unha esquerda "que fai todo o contrario do que promete, usa as institucións non seu beneficio, foxe das explicacións, só pensa na súa supervivencia e beneficia a uns a conta de outros con amnistías e agasallos fiscais".
Ante todo isto, segundo o titular a Xunta, "Galicia é e será sempre a resposta" porque defendeu que "fronte aos que teñen o país paralizado", os galegos contan cun goberno "traballando a pleno rendemento desde o primeiro día".
"Galicia é, en definitiva, a resposta do sentidiño e a concordia contra quen só pretende levantar muros", sentenciou Alfonso Rueda.
No mitin participou o candidato do PP ao Parlamento Europeo, Francisco Millán Mon, que afirmou que "mi ciudad y mi provincia pueden estar tranquilas, ya que seguiré defendiendo sus intereses en Bruselas los próximos cinco años".
Reiterou que estas eleccións son moi importantes para a Unión Europea, pero tamén para Galicia e para España, debido aos intereses en pesca, industria, agricultura e gandería, infraestruturas, transporte, enerxía, financiamento ou comercio exterior.
As eleccións deste domingo, segundo Millán Mon, "es una oportunidad para todos los pontevedreses y gallegos de responder a las políticas populistas y profundamente perjudiciales de Sánchez, así como de hacer oír sus voces en Europa"
Relacionadas:
-
Descanso con familia e amigos para os candidatos pontevedreses ás eleccións europeas
Por Alejandro Espiño |
-
Ana Pontón, en Pontevedra: "Non queremos que se repita con Altri o que lle pasou a Pontevedra en pleno franquismo"
Por Alejandro Espiño & Mónica Patxot |
-
Eleccións europeas do 9 de xuño: Próxima parada, Bruxelas
Por Alejandro Espiño |
-
As europeas, o "broche de ouro" que busca o PP para pechar "dous anos de vitorias" de Rueda
Por Redacción & Mónica Patxot |